ប្រជាពលរដ្ឋប្រាំបីភូមិនៅឃុំអមលាំង ខេត្តកំពង់ស្ពឺ កំពុងរៀបចំពាក្យបណ្ដឹងមួយក្នុងរឿងដែលក្រុមហ៊ុនរបស់លោក លី យ៉ុងផាត់បាននិងកំពុងព្យាយាមឈូស រំលោភយកដីស្រែចម្ការដែលពួកគាត់បានកាន់កាប់តាំងពីឆ្នាំ១៩៧៩ ក្រោយរបបខ្មែរក្រហមត្រូវផ្ដួលរំលំ។
ប្រជាពលរដ្ឋមានជីវិតរស់នៅដោយពឹងផ្អែកទាំងស្រុងលើដីស្រែ ចម្ការ ដើម្បីប្រកបរបរធ្វើស្រែ និងដាំដំណាំផ្សេងៗ។ ថ្មីៗនេះលោកហ៊ុន សែនបានចាត់ទុកដំណាំអំពៅជាការអភិវឌ្ឍឧស្សាហកម្មស្ករស ព្រមទាំងបានលើកទឹកចិត្តក្រុមហ៊ុនរបស់លោកលី យ៉ុងផាត់ឲ្យពង្រីកដីដាំដំណាំអំពៅ។
តើការឈូសឆាយរំលោភយកដីរបស់ប្រជាពលរដ្ឋនៅឃុំអមលាំង ដោយគ្មានដំណោះស្រាយប្រកបដោយភាពសមរម្យនិងយុត្តិធម៌នេះ ជាផ្នែកនៃអនុសាសន៍របស់សម្ដេចទេ? ប្រសិនបើថា វាជាផ្នែកនៃអនុសាសន៍របស់សម្ដេច តើសម្ដេចមានដែលចេញអនុសាសន៍ឲ្យរំលោភយកដីរបស់ប្រជាកសិករទេ? ពិតជាសម្ដេចមិនដែលធ្លាប់ចេញអនុសាសន៍បែបនេះទេ។
ចុះការអភិវឌ្ឍរបស់លោកលី យ៉ុងផាត់ដែលពុំបានដោះស្រាយប្រកបដោយភាពសមរម្យនិងយុត្តិធម៌ជូនអ្នកភូមិ អាចចាត់ទុកថា ជាការអភិវឌ្ឍទេ?
No comments:
Post a Comment